အိပ်မက်များ -၁
မတ်လ ၂၆ ရက် ၂၀၀၇ ခုနှစ် အိပ်မက်တွင်ရေးသောစာ
ဒီနေ့ကျွန်မတို့အုပ်စု ဆေးရုံသွားရသည်။ ကျွန်မတို့ဆိုတာ ကျွန်မနှင့်သူငယ်ချင်းလေးယောက် ပါဝင်သော ဆေးကျောင်းသားငါးယောက်ဖြစ်သည်။ ကျွန်မတို့အဖွဲ့မှာ ဗီယက်နမ်လူမျိုးနှစ်ယောက်၊ ဂျာမနီတွင်မွေးသောတရုတ်လူမျိုးတစ်ယောက်၊ ဖီလစ်ပင်းလူမျိုးတစ်ယောက်နှင့် ကျွန်မဖြစ်သည်။ ဆေးရုံရဲ့အထွေထွေဆောင်ရဲ့ အပေါက်ဝမှာရပ်ရင်း လာခေါ်မည့်ဆရာဝန်ကိုစောင့်နေကာ ဟိုရောက်ဒီရောက်စကားပြောဖြစ်ကြသည်။
သူငယ်ချင်းတစ်ယောက်ကစပြီးတော့လူတွေရဲ့အစွဲအလန်းကြီးမှု အယူသည်းမှုအကြေင်းပြောရာမှ မမြင်နိုင်သော ထူးခြားသောစွမ်းရည်များ လူတွင်ရှိသည်ဟုပြောလာသည်။ သူငယ်ချင်းမတစ်ယောက်ကတော့ သူမသည်အစွဲအလန်းကြီးကြောင်းပြောသည်။ နောက်သူငယ်ချင်းတစ်ယောက်ကတော့ သူသည်အစွဲအလန်းကြီးပြီး အယူသည်းတက်ကြောင်းနှင့် ဗေဒင်လဲယုံတက်ကြောင်းပြောပြသည်။ ကျန်သောနှစ်ယောက်ကတော့ သူတို့သည်သရဲကြောက်တက်ကြောင်းပြောသည်။ သူတို့၏ အစွဲအလန်းကြီးမှု အယူသည်းမှုနှင့်သရဲကြောက်တက်မှုပြောရာမှ ကျွန်မဘက်ကိုလှည့်ကာ နင့်မှာကောဘာရှိလဲလို့မေးလာသည်။
သူတို့မမေးခင်ထဲက ကျွန်မမှာကောဘာအတွေးမျိုးရှိလဲဆိုတာ စဉ်းစားနေပြီးသားဖြစ်သည်။ ကျွန်မကဗေဒင်မယုံတက်ပေမယ့် တစ်ခါတစ်လေအစွဲအလန်းကြီးပြီး အယူသည်းကာ သရဲလဲကြောက်တက်ကြောင်းပြောလိုက်သည်။ သူတို့ကကျွန်မကြောက်တက်သည်ဆိုတာမယုံကြ။ မယုံသောအကြောင်းအရင်းတစ်ခုမှာ ကျွန်မသည်ရင်ခွဲရုံတွင်စာပြအဖြင့် နေ့ကောညပါလုပ်ခဲ့ဖူးခြင်းကြောင့်ဖြစ်သည်။ သူငယ်ချင်းများကြားတွင်လဲကျွန်မက သတ္တိအရှိဆုံးလိုဖြစ်နေသည်။ သူတို့ကြောက်လျှင်ကျွန်မကိုခေါ်မြဲဖြစ်ကာ ကျွန်မကလဲကြောက်တဲ့ပုံမပြခဲ့သောကြောင့်လဲဖြစ်မည်။
ထိုအချိန်မှစ၍ ကျွန်မသည်သူတို့စကားဝိုင်း၏ အဓိကအကြောင်းအရာဖြစ်လာသည်။ ကျွန်မ၏ကြောက်တက်မှု၊ မကြောက်တက်မှု၊ အစွဲအလန်းကြီးမှု မကြီးမှုများကို သူတို့၏အတွေ့အကြုံများဖြင့်ဆွေးနွေးကြသည်။ ထိုသို့ပြောရာမှ သူငယ်ချင်းတစ်ယောက်ကစ၍ ကျွန်မမှာထူးခြားသောစွမ်းရည်တစ်ခုရှိကြောင်းပြောသည်။ သူမ၏စကားသည် သူငယ်ချင်းတစ်အုပ်လုံး၏ စိတ်ဝင်စားမှုကိုရလိုက်သည်။ လူတိုင်းက ဘာအစွမ်းလဲဟု ကျွန်မကိုမေးတော့ ကျွန်မလဲမသိဘူးဘဲဖြေရတော့သည်။ ကျွန်မကလဲသူငယ်ချင်းမကို ကျွန်မမှာဘာအစွမ်းရှိတာလဲဟုမေးယူရတောသည်။ ထိုသူငယ်ချင်းမက ကျွန်မမှာ အကြားအမြင်ရှိသည်ဟုပြောသောကြောင့် ကျွန်မသည်ဟန်မဆောင်နိုင်ပဲရယ်ရတော့သည်။ ထိုအခါသူမက သူလက်တွေ့ပြနိုင်သည်ဟုပြောသည်။ ကျွန်မမှာကိုယ်ကိုတိုင် ဘာစွမ်းမှန်းမသိရပဲ သူကဘာလုပ်ခိုင်းမလဲဟုတွေးကာ စိုးရိမ်ရတော့သည်။ သူမက သူငယ်ချင်းများကို ကျွန်မမှာအကြားအမြင်ရှိကြောင်းသက်သေအဖြင့် သူမ၏အတွေ့အကြုံကိုပြောပြနေတော့သည်။
သူမ၏ပြောပြချက်အရ ကျွန်မသည်တစ်ခုခုဖြစ်တော့မည်ကို ကြို၍သိနေခြင်း၊ လူတွေကိုမသိပဲနှင့် နံမည်နှင့်လူကိုတွဲနိုင်ခြင်း၊ သူငယ်ချင်းများဗီယက်နမ်လိုပြောလျှင်နားလည်နေခြင်းတို့ဖြစ်နေသည်။ ကျွန်မကတော့သူမထင်သလိုမဟုတ်ကြောင်း၊ တိုက်ဆိုင်မှုသာဖြစ်ကြောင်းပြောရသည်။ သူမသည်လက်မလျှော့သေးပဲ သူမတွေ့ကြုံရသောပထမနှစ်မှ အဖြစ်အပြက်ကိုပြောပြတော့သည်။
ကျွန်မတို့ပထမနှစ်ဒုတိယပိုင်းတွင် အပြင်ဆောင်မှာနေရ၍ တယ်လီဖုန်းနှင့် Internetကို ကျွန်မတို့ကိုယ်တိုင်လျှောက်ရသည်။ တယ်လီဖုန်းနှင့် Internet မရှိလျှင်ဆက်သွယ်မှုမှာမလွယ်ကူလှပေ။ ကျွန်မတို့လျှောက်လွှာတင်၍ တစ်လကျော်အထိတိုင်ဖုန်းကမရ၍ ကျွန်မတို့မှာတစ်မျှော်မျှော်ဖြစ်နေရသည်။ လိုခြင်အားများလွန်း၍ တစ်နေ့တွင်ကျွန်မအိပ်မက်မက်တော့သည်။ အိပ်မက်ထဲတွင် တယ်လီဖုန်းမှာအလုပ်လုပ်ပြီး Internetပါ လာတပ်သည်ဟုဖြစ်သည်။ နောက်နေ့မနက်တွင် ကျွန်မကသူငယ်ချင်းမကိုအိပ်မက်အကြောင်းပြောပြသည်။ ထိုနေ့ညနေ ကျွန်မတို့ကျောင်းမှပြန်လာသောအခါ တယ်လီဖုန်းမှာအလုပ်လုပ်နေပြီဖြစ်သည်။ သူငယ်ချင်းမက ကျွန်မကို Internet စမ်းကြည့်ဖို့ပြောသောကြောင့်စမ်းကြည့်ရာ အလုပ်လုပ်နေကြောင်းသိရသည်။ ထိုနေ့မှစ၍သူမသည်စာမေးပွဲနီးလျှင် ကျွန်မကိုမေးခွန်းတစ်ခုအမြဲမေးတော့သည်။ သူမ၏မေးခွန်းမှာ ကျွန်မသူမကိုအိပ်မက်မက်လားဟုဖြစ်သည်။ ကျွန်မကိုလဲ နောက်ပြောင်သလိုဖြင့် သူစာမေးပွဲမဖြေနိုင်ဘူးဆိုတာ အိပ်မက်ထဲမှာထည့်မမက်ဖို့ပြောတက်သည်။ ထိုအဖြစ်အပျက်ကိုသူမကပြောတော့ သူငယ်ချင်းများက တိုက်ဆိုင်တာဖြစ်မှာပါဟု သူမကိုပြောကြသည်။ ထိုအခါသူမက သက်သေနောက်တစ်ခုပြနိုင်သည်ဟုပြောပြန်သည်။
ကျွန်မတို့ဆေးရုံသွားလျှင် တွေ့ရမည့်ဆရာဝန်အမည်သာသိရသည်။ ဆေးရုံရောက်မှဆရာဝန်က အုပ်စုနံပါတ်ကိုခေါ်သည်။ ကျွန်မသည်အမြဲလိုလို ဘယ်ဆရာဝန်သည် ကျွန်မတို့ရဲ့ဆရာဝန်ဖြစ်မလဲဆိုတာခက်မှန်းနိုင်သည်။ ဒါကိုလဲသူငယ်ချင်းတိုင်းသိကြကာ အမြဲလိုလိုခက်မှန်းခိုင်းကြသည်။ ကျွန်မ၏သူငယ်ချင်းမကတော့ဒါကိုအတည်ယူကာ ကျွန်မသည်အကြားအမြင်ရှိကြောင်းပြောနေတော့သည်။ ဒါတင်မကပဲ ကျွန်မ၏ခက်မှန်းချက်များဖြစ်သော သူတို့၏ဗီယက်နမ်စကားများကိုပါ သက်သေအဖြင့်ပြောတော့သည်။ ကျွန်မမှာရယ်ရခက်ခက်၊ ဟုတ်ပါတယ်ကျွန်မမှာအကြားအမြင်ရှိပါတယ်ဟုပဲဝန်ခံရမလိုလို ဖြစ်တော့သည်။ သူငယ်ချင်းများကတော့ တိုက်ဆိုင်တာပါဟုပြောသောကြောင့်ကျွန်မ၏သူငယ်ချင်းမမှာစိတ်ဆိုးသလိုလိုရှိတော့သည်။ ထိုအချိန်တွင်ဆရာဝန်သုံးဦးအုပ်စုများကိုခေါ်ဖို့ထွက်လာသည်။ ကျွန်မ၏သူငယ်ချင်းမက ကျွန်မကိုဘယ်တစ်ယောက်က ကျွန်မတို့၏ဆရာဖြစ်မလဲဆိုတာမေးသည်။
ကျွန်မမှာ ခက်မှန်းပြီးဖြေလို့မှန်သွားလျှင်လဲအခက်၊ မဖြေပြန်လျှင်လဲဟုတ်နေလို့ဖုံးကွယ်ထားသည်ဟုထင်ရင်လဲ အခက်ဖြစ်တော့သည်။ သူငယ်ချင်းများကလဲကျွန်မ၏အဖြေကိုစောင့်နေကြသည်။ ကျွန်မလဲမထူးပါဘူးဆိုပြီး ညာဘက်ကလူလို့ပြောလိုက်သည်။ ဆရာဝန်သုံးဦး ကျွန်မတို့အနားရောက်လာကာ ညာဘက်ကဆရာဝန်က ကျွန်မတို့အုပ်စုနံပါတ်ကိုခေါ်သည်။ ကျွန်မသူငယ်ချင်းမမှာ ၀မ်းသာအားရဖြစ်ကာ ငါမပြောဘူးလားဟုသူငယ်ချင်းများကိုပြောတော့သည်။
ကျွန်မတို့အားလုံးဆရာဝန်နောက်လိုက်ရင်းမှ ထိုသူငယ်ချင်းမ၏ အစွဲအလန်းကြီးမှု၊အယူသည်းမှုကို လုံးဝယုံကြည်သွားကာ နောင်တွင်အပြောအဆိုဆင်ခြင်ဖို့စဉ်းစားနေကြတော့သည်။
posted by Thiri @ 10:06 PM
